عذاب خطبة الجمعة

ابتلاني الله بإمام مسجد كلما صليت الجمعة خلفه حدثتني نفسي بالسوء .. و السوء هنا اني أقوم و امشي و أسيبه يهذي
الراجل كل مرة يشرق و يغرب و يفضل يفتي فيما يفهم (و هو قليل جدا) و فيما لا يفهم
و انا ادخل الجامع سمعت كلمة الخنازير من بعيد ..قلت استر ياللي بتستر
و كل لما أقرب الكلام يبقى أوضح و أوضح
لحد لما لقيته بيقول .. و الشيخ ابن العثيمين رحمه الله له فتوى تقول أن ما يأكله الانسان يكون له تأثير على شخصيته .. يعني من يأكل خنزير يكون له تأثير على شخصه و استرسل الامام في هذا الهذيان

الشيخ العالم الفهامة عايز يقول .. لو واحد أكل خنزير ممكن مع الوقت يبقى شبهه .. و طبعا ممكن كمان يبقى ليه نفس الصوت .. التطبيق الأظرف لهذه النظرية يقتضي أيضا ان واحد زيي كده بيموت في الفراخ .. بعد كام سنة هايطلع لي ريش و ابتدي اكاكي 
الشيخ استشهد بكلام ابن العثيمين و كلاهما غير متخصصين .. و كلاهما يقول كلاما بغير علم .. و كلاهما جاهل بهذه الأمور ..مش عارف ليه بقى الفتي؟

الراجل برده فضل يهذي و قالك ان دي مش أول مرة يظهر فيها مرض انفلونزا الخنازير ..ده موت ملايين في سنة 1834 و موت ملايين تانيين من حوالي 100 سنة و الفتي الله ينور شغال
و بعدين قالك ..علشان يبقوا يقولوا العلم و ان العلم هاينفعهم..

الفتية الكبرى بقى .. قالك لما الغرب اعتقد انه وصل الى قمة العلم عملوا في أمريكا مكوك فضاء اسمه تشالنجر عارفين يعني ايه الكلمة دي .. يعني المتحدي ..بيتحدوا بيه ربنا .. المكوك انفجر بعد ثواني من اطلاقه .. و قال ايه كمان لما فشلوا سموا المكوك اللي بعده ديسكفري علشان اتعلموا الأدب .. مع ان ديسكفري اتعمل قبل ما تشالنجر ينفجر

انا بس عايز أعرف الا يستحون من الله؟
ألا يستحون من أن يكونوا أفاقين و كذابين و مدعين؟
الناس دي ملتها ايه و لا اتعلمت فين؟
محدش حاسس فيهم بمسؤولية الكلام و المعلومات التي يلقنها لعامة القوم

بصراحة .. أنا حاسس بذنب كبير .. لأنني اتكسفت أقف و أقوله بطل تخلف و كذب يا جاهل.. سبته يخلص خطبته أو بالأدق هذيانه و روحت و خلاص 
العيب في أنا مش فيه .. لو مرة حد كسفه على دمه و أحرجه و طلعه انه جاهل و كذاب هايتعلم طول عمره
بس خير ..الجيات أكثر من الرايحات

Advertisements

3 تعليقات

  1. طيب إيه رأيك في اللي الاحاديث الأتية:

    – الكلب الأسود شيطان!!

    – التثاؤب من الشيطان!!

    – الملائكة لا تدخل بيتاً فيه جرس أو صور أو كلاب!!

    – الشيطان بيبول في أذن المسلم!

    – الشيطان ينفخ في دبر المصلي!

    – الحمار ينهق إذا راي شيطان!

    – الشيطان يبيت في خيشوم المسلم!

    – الكافر يأكل في سبعة أمعاء!!

    – ماء الرجل إذا سبق ماء المرأة كان الشبه له!!

    – الحيض سببه ركضة من الشيطان في الرحم!!

    – إذا علا ماء الرجل ماء المرأة كان الجنين ذكرا!!

    – الحبة السوداء شفاء من كل داء إلا الموت!!!!!

    – الشمس تغرب في عين حامية!!!!!!!!!!!!

    وغيرها وغيرها من الأحاديث النبوية المطهرة

    وكلها أحادث صحيحة وعندي الدليل والبرهان علي ما اقوله ولو مش مصدق راجع الأحاديث دي ودور عليها بنفسك!

    إيه رايك؟؟ معترض علي الشيخ بتاع الجامع؟؟ ومش معترض علي هذة الأحاديث التي اقل ما يوصفها بالخزعبلات؟؟؟؟

    صباح الفل!!

  2. خادم يسوع أو المسيح .. كل اللي قلته او ناوي تقوله لا يعني لي شيئا سوى انه مجرد محاولات عقيمة من أجل الدخول الى مناطق لست ارغب في الدخول اليها و لست على استعداد لاهدار وقتي مع اي شخص متطرف سواء مسلم او مسيحي .. يؤسفني أقولك انك شخص غير مرغوب به هنا و لا يشرفني الحوار معه !

  3. (تم حذف قلة الأدب و التطاول على سيد البشر ..سيدك و سيد سيدك يا سافل)

    أحمد فتحي

    —————————————-
    أما هروبك من النقاش هو اصدق دليل يؤكد ما اكتبه ….!!

    أعلم ان الحقيقة صادمة ولكن عليك ان تتقبلها !!!

    خليك نايم في الدُرة !!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: